Ondare Artistikoa
Piezak
Sociedad Bilbainaren eraikin bikaina balio arkitektoniko handikoa da, eta ondasun kultural izendatuta dago. Eraikin horretaz aparte, elkarteak 1839an sortu zenetik gaur egunera arte bildu duen ondare artistikoa zabala, askotarikoa eta bereziki esanguratsua da.
Sociedad Bilbainak Catálogo del Patrimonio Artístico de la Sociedad Bilbaina argitaratu zuen 2008an. Lan honek balio artistikoa duten ia 300 objektu biltzen ditu, besteak beste: pinturak, eskulturak, obra grafikoak eta altzari-piezak.
Pintura da elkartearen bilduman gehien nabarmentzen den arloa; izan ere, bere lanen artean Arteta, Guiard, Losada eta beste batzuen piezak daude. Nolanahi ere, elkartearen jatorrizko “estilo ingeleseko” altzariak ez dira gutxietsi behar, eta, gaur egun, garai hartako alfonbra bat, lanpara bat eta xake-mahai bat ere aurki daitezke.