Ezkontzak eta ekitaldi pribatuak
Sociedad Bilbaina 1839an sortu zen kulturarako eta aisiarako izateko eta gaur egun ostalariza, enpresa, gizarte eta familia arloko jarduera ugari izaten da bertan kokapen pribilegiatuari, instalazio bikainei eta ekipoen profesionaltasun kontrastatuari esker.
Elkartearen egoitza Kultura Ondarea da eta Monumentu kategoria du; historia eta modernotasuna bikain uztartzen ditu eta toki paregabea da hainbat ospakizun eta ekitaldi mota egiteko.
Sociedad Bilbainan ekitaldi bat egitea aukera paregabea da gordetzen duen ondare artistiko garrantzitsua ezagutzeko eta hartaz gozatzeko; izan ere, XIX. mendearen hasieratik bizitzea tokatu zaion garai desberdinak islatzen ditu, hain zuzen ere, kultura eta bizikidetzarako topagunetzat duen helburua betez.
Elkartearen areto pribatuek, bere jarduera guztiaren bihotza direla kontuan izanda, edukiera eta estilo desberdinak dituzte, eta norberaren beharretara malgutasunez egokitzen dira. Horri esker, espazio ezin hobea da ezkontzak, bataioak, jaunartzeak, luntxak, oturuntzak, biltzarrak, konbentzioak, produktuen aurkezpenak, bilerak eta era guztietako ospakizunak egiteko.
Zure ezkontza Sociedad Bilbainan
Ospatu eta gozatu zure ezkontzaz, Bilboko erdigunean, giro paregabean, gastronomia eta zerbitzu bikainarekin. Horrelako ekitaldiak ospatzen dugun esperientzia handiak eta tradizio luzeak bermatuko dute ospakizunaren arrakasta, zure familiarekin eta lagunekin batera.
Bazkideentzat, horien seme-alabentzat eta, bazkide batek aurkeztuta, ezkontza hemen ospatu nahi dutenentzat.
Jarri harremanetan Sociedad Bilbainaren Ekitaldi Arloarekin, eta zuen esanetara egongo da ezkontza ahaztezina antolatzeko eta prozesu osoan zuei laguntzeko; ezagutza eta esperientzia emango dute eta zuen nahietara egokituko dira, dena amesten duzuen moduan atera dadin.
Ospakizun guztiek, handiek zein txikiek, beren lekua dute Sociedad Bilbaina elkartean, hainbat areto konfigura baitaitezke, espazioa bertaratuen kopurura egokitzeko eta zeremonia, oturuntza, koktel edo dantzaren erabileran eta diseinuan malgutasuna izateko.
Ekitaldi bakoitza egokitu eta pertsonalizatzen dugu, bakarra izan dadin.
Gurekin harremanetan jartzera gonbidatzen zaituztegu, espazioak zuzenean erakusteko.
Ekitaldiak
Ekitaldi bakoitza modu pertsonalizatuan sortzen eta diseinatzen dugu, esparru berdingabe honetan ospatu ahal izan dezazun eta esperientzia ahaztezina izan dadin.
2023an 335 ekitaldi pribatu egin ditugu, elkartearen beraren ekitaldiez gain.
Mota guztietako ekitaldiak antolatzen dugun esperientzia zabala jartzen dugu zure esku, eta atseginez lagunduko dizugu ekitaldi arrakastatsua irudikatzen eta diseinatzen.
Informazio gehiago nahi baduzu eta baldintzak kontsultatu nahi badituzu, jarri harremanetan elkarteko Ekitaldi Arloarekin:
Areto pribatuak
